***

“K..KASAMA KA?!”
“Ayaw mo?”

Bigla naman akong kinilabutan nung lumapit siya. Ewan ko! Medyo affected pa rin ako sa pinagsasabi niya nung isang gabi.  

“Oh tama na ang loving-loving dyan, pasok na sa van. 4:10 na oh!”

Oh ayan, manager mode na si Jess. At ang loka, tinulak pa ako papasok sa van! Nakita ko naman na pumasok na pala sina Yna, Alice, yung kapatid ni Jess na nakalimutan ko na yung name, pati sila--

Huh?! Kasama rin sila?! 

“Yo!”
“Uhh, uhmm. Hi Patrick.”

Awkward. Shemay naman kasi! Bakit ba affected ako?! Kasi naman! Kung anu-anong pinagsasabi niya nung nakaraang gabi!

“Hi Darryl! Hello Tiffany!” this time si Tricia naman yung bumati.
“Yo.”
“Hello Tricia!”

Ang bitter ni Darryl ha? ‘Yo’ lang? O sadyang ganun lang talaga bumati ng cool ang mga lalaki? Oh well.

Since marami kami, dalawang van yung sasakyan. Dun sa isa eh yung family niya ata. Basta mga kamag-anak niya. Then sa isa eh kaming mga classmates niya plus si Venice at yung kapatid ni Jess.

“Hoy Roj! Bakit ka ba andito? Dun ka nga kila Mommy!”

“Masama? Dito nalang ako.”

“Palibhasa andito si Ve--” nagulat naman ako nung inakbayan siya nung kapatid niya tapos tinakpan yung bibig. Haha, ang kulit nilang magkapatid ha!

“Bebe girl!” then pumasok siya sa van.

“Bakit?”

Nagulat naman ako nung bigla siyang tumabi sa akin. Andito kasi ako sa pinakagilid sa last row. Bale tabi ng bintana sa right side. Tapos siniksik pa ako ni Darryl. Naku naman!

Umandar na yung sasakyan namin. Yay! Exciting naman ‘to! First time kong makakapagbakasyon na hindi sila Mommy o kaya sila Yna at Alice lang ang kasama!

Ang nakakainis lang, etong katabi ko eh sobrang sinisiksik na ako. Palibhasa katabi niya si Tricia kaya sumisiksik sa side ko eh! Naman oh, ang laki-laki ng space dun tapos ako halos makapalitan ko na ng mukha yung bintana!

“Oi Darryl, usog dun! Ang sikip oh!” napipi na ata yung katawan ko.

“Masikip ba bebe girl? Kandungin nalang kaya kita? Gusto mo?” bigla namang uminit doon sa pwesto ko.

“BALIW!”

Napatingin nalang ako bigla sa bintana dahil feeling ko eh nangamatis na naman yung mukha ko. Kasi naman eh! Kandungin? Mukha ba akong baby para kandungin pa?!

“Witwiw! Tignan mo Yna! Naglalabing-labing na naman yung dalawa oh!”

“Haha! Alice, don’t disturb them!”

Tss. Nang-asar na naman ‘tong dalawang ‘to. At talagang hindi nila ako tinigilan! Buti nalang at medyo napagod silang mang-asar nung tumagal na. Matutulog daw muna sila. Dahil wala naman rin akong magawa, nagsoundtrip nalang ako. Earphones, plugged in.

Bigla namang nawala yung sa left side. Walang hiya. Mang-agaw raw ba ng earphones?! Naman, wala ba siyang cellphone or ipod? Makapang-agaw eh! Tss.

Di nalang ako nagsalita. Ang tahimik kasi naming lahat. Alangan namang basagin ko ang katahimikan di ba? Eh mukhang natutulog na nga silang lahat eh. Kaming dalawa nalang ang mulat. Sabagay, maaga pa. 4:30 palang. Teka, wala pa pala kaming tulog ni Venice no? Kaya pala medyo inaantok ako.

“Inaantok ka ba Steff?” Mahina lang yung pagkakasabi niya kasi nga tulog yung mga kasama namin.

“Ah.. hindi naman gaano.” Sakto naman na bigla akong napahikab.

“Ohh. Hindi pala ha? Anong tawag dyan? Tapos pumipikit-pikit ka pa kanina.” Sabi ko nga nahuli niya ako.

“Oo na. Inaantok ako.”

Nagulat naman ako nung bigla niyang hinawakan yung ulo ko at pinilit na ilagay doon sa balikat niya.

“Sandal ka nalang. Baka mauntog ka pa dyan sa bintana.”

HOLY COW.

Holy Horse.
Holy Cat.
Holy Animals.

Hindi na ako nakapagsalita o nakagalaw. Ang alam ko lang eh tuluyan nang nanigas yung katawan ko sa di ko malamang dahilan. Lechugas! Ano bang nangyayari sa akin? Nagmamalfunction yung katawan ko! 

*Now playing: Baby, Now that I Found You*

Kahit naninigas na ako dito, napapikit pa rin yung mata ko. Inaantok na kasi talaga ako. Idagdag mo pa yung kanta, nakakaantok lalo. Sarap matulog. Kaso.. nakakahiya matulog.

“Sige tulog ka lang. Babantayan kita.”

***

“Dali, picturan nyo pa.”
“Dapat marami, para marami ring evidence.”
“Waaah, puno na memory card ko!”
“Shhhh! Wag kang maingay, baka magising sila!”

Crap. Ang ingay naman. Ano ba yun? Binuksan ko naman yung mata ko.

Pagdilat ko, andaming phone ang tumambad sa paningin ko. Aayos n asana ako ng posisyon pero parang may mabigat akong naramdaman. Then narealize ko na.. nakatulog din siya. Ugh. Ang bigat talaga ng ulo ng taong ‘to. May hydrochepalus ata ‘to eh! Ginalaw ko nalang yung ulo ko para maising siya. And effective naman.

“Hoy Alice! Ano bang pinaggagawa niyo? Akin na nga yan!” sabay abot ko dun sa phone niya. Pero bigla niya namang iniwas.

“HAHAHAHA! Ayoko nga! Tsaka kahit kunin mo yung akin, marami kaming kopya! Nasa 500 plus ata.”

What the heck?! Seriously?! 

“Hmm, ano bang meron?*blink blink*

Ay ang cute. Ay shet! Erase! Ano bang pinagsasabi ko?! Tsaka bakit ko ba siya tinititigan? Tss. Bigla ko namang naalala yung pinaggagawa nila Alice.

“Hoooy! Pinicturan nila tayo habang tulog!”
“Oh? Patingin nga. Pahinging kopya!”

Whoa! Putek. Akala ko pa naman kakampi ko ‘tong freak na ‘to! At ano daw?! May balak pa siyang manghingi ng kopya! Siraulo lang!

“Oy Yna! Wag niyong bigyan! Nakakahiya!”

“Okay, I’ll send it to you!” Wow ha? Parang di ako nag-eexist ah?

“Okay!” Hello? Andito po ako oh?

“Sent!”

“Thanks. Wow. Cool!”

Napasandal nalang ako sa bintana. Nakakainis naman eh! Nakakahiya pa! Ano namang gagawin niya sa picture?! Lechugas! If I know eh ipang-aasar niya lang yan sa akin. Siguro mukha akong timang dun.

Bumaba nalang ako ng van dahil andito na pala kami. Shemay. Ang bigat ng mga gamit ko. Bakit ba kasi ang dami kong dala? Pang isang buwan ata yung mga damit ko eh. Tapos may mga chuva-ek ek pa akong sinama.

“Hey Steff, tulungan na kita.”
“Uhh, uhmm. Ano kasi eh..”

Hindi ko naman makausap ng matino si Patrick. Kasi naman eh!

“Sige na ako na magdadala. Mukhang mabigat eh.”

Nakipag-agawan naman siya sa akin. Ayun. Malamang nanalo siya. Kaya siya yung may buhat nung isa kong malaking bag tapos buhat ko yung isa ko pang bag. Pero nauna na siya dun sa rest house. Ang bagal ko kasing maglakad eh. Sorry naman, masyado kong feel ang hangin dito eh. Halos lahat nga sila nandun na. Ako eh mala-music video pa yung paglalakad ko. Sobrang bagal.

“Bebe girl!”

Napatingin naman ako sa likuran ko. At sino pa ba ang tumatawag sa akin ng corny na tawag na yun? Psh. Hindi niya ba talaga ihihinto yung pagtawag nun? Ang sagwa talaga eh! Maya-maya lang, kasabay ko na siyang maglakad.

“Ako na dyan.” Then bigla niyang hinawakan yung isa kong maleta.
“Wag na k---”

Then bigla niyang hinatak mula sa akin yung maleta ko at tumakbo siya papuntang rest house. Waaah magnanakaw! Walang hiya naman yun oh! Tss. Wala na tuloy akong gamit na dala! Ano ba yan, hindi ako sanay.

Napahinto naman ako sa mala-music video na paglalakad nung may narealize ako.

Teka.
Kinuha nilang dalawa yung bags ko?


***