***

“Ay pakshet! Ba—bakit ka nandito?!” 
“Wala lang. Ginigising ka.”
“Lumayo ka nga! Allergic ako sa mga freak!”

Bwiset! Haaaaah! Sino ba namang hindi mapapasigaw at mapapamura kung pagdilat mo eh may pagmumukhang sobrang lapit sa mukha mo?! Kulang nalang magkapalit na kami ng mukha eh! At paano ba siya nakapasok dito?!

“So, allergic ka sa gwapo?” sabay smirk niya at pusanggalangbwiset!! Lumapit pa lalo! Uuugghhh!

“ASA! LUMAYO KA NGA SABI EH!”

Nakakainis! Alam niyo ba yung posisyon namin? Eh kasi natulog ako ng di nakaayos yung higa. I mean, yung ulo ko eh nasa paanan kaya pabaligtad yung higa ko. Tapos paggising ko, mukha niya agad yung tumambad, pero pabaligtad. Nandun kasi siya sa may paanan ng kama. Basta! Ang awkward lang.

“Bakit ka namumula?”

Halos mawalan naman ako ng source ng oxygen nung dinikit niya yung ilong niya sa ilong ko. Pakshet to the max. Parang automatic na tinulak ko siya dahil sa sobrang hiya. Tumayo agad ako at naglakad nang mabilis palabas ng kwarto. Whooooh! I need air!

Sumunod lang siya palabas at kung anu-ano na namang pinagsasabi. As usual, non-sense. Pinagdidiskitahan at pinagtitripan lang ako. Tss. Napatingin naman ako sa wall clock sa baba. Tanghali na pala. Hmm, ano kayang pwedeng gawin?

“Steff.” At nagsitaasan na naman ang mga balahibo ko. Bakit ba kinikilabutan ako pag tinatawag niya yung pangalan ko? Mas ayos ba na bebe girl eh! At least doon hindi ako kinikilabutan. Nandidiri lang.

“Ano na naman?”

“Wala akong magawa. Boring.” So sabihan ako ng problema? Ganun? Sabagay, boring naman talaga eh.

Grabe ang boring talaga. Kasi si Yna at Alice natutulog. Siesta time ata. Tapos yung iba namasyal daw muna saglit. Ano ba yan, wala man lang akong makausap kundi ‘tong si Darryl.

“Let’s play.”

“Ayoko. Tinatamad ako.” Tsk. Ewan ko ba. Tinatamad akong kumilos.

“Tss. KJ!”

Aba? Eh di maglaro siya mag-isa! Eh ayoko ngang maglaro eh. Ano ako? Bata?

Habangnag-iisip ako ng pwedeng pantanggal ng boredom, nakita ko bigla yung gitara na hawak kanina ni Ven. Hmmm? Eto nalang kaya?

“Oi bebe boy!” Ano ba yan, nasasanay na talaga ako.

“Ano?!” Ay? Ang arte? May tampo effect pa?

“Tampo ka pa! Turuan mo nalang akong maggitara. Para may pakinabang naman yang talent mo!” ganito ang tamang paghingi ng favor. May kasamang panlalait.

“Ohh. Okay. Dun tayo sa labas para mahangin.” Ay ang arte? Gusto pa sa labas? Mahangin naman dito sa loob ah! Nakakatamad kayang lumabas!

“Eh dito nalang! Tinatamad akong lumabas.” Ang init kaya sa dadaanan namin sa labas. Ang arte pa kasi eh.

“Tss, dali na. Ang init dito sa loob eh. Or you just want me to carry you?” Wow! Ang kapal ha! Ako pa? Ako pa talaga! 

“Kapal! Oo na!”

Nauna na akong lumabas tapos siya nakasunod at dala yung gitara. Dahil tinatamad akong maglakad, ang bagal ng kilos ko. Hindi naman pala masyadong mainit sa dinadaanan namin.

“Bagal mo namang maglakad.”

“Buh, bakit ba? Gusto ko eh.”

Bigla naman niyang hinawakan yung balikat ko mula sa likod tapos patulak niya akong pinunta doon sa may ilalim ng puno! Walang hiya! Gusto ko ngang i-feel yung ambiance tapos kinaladkad naman ako. Bastos rin ‘to eh.

Nung andun na kami, umupo kami doon sa may damuhan. Tama nga yung sinabi niya. Sobrang hangin dito. Plus malilim pa.

“So, anong ituturo ko sa’yo?”

“Aba malay. Ikaw ang magtuturo eh!”

“Tsk. Sige, basics nalang. Oh, hawakan mo na ‘tong gitara.”

Kinuha ko naman sa kanya yung gitara. Then bigla niyang hinawakan yung left hand ko. Akala ko kung anong gagawin niya, yun pala i-poposition niya lang para doon sa gitara. Okay.

“Oh ayan yung chord para sa A. Tapos eto sa A minor.”

Takte ang hirap naman! Di ko abot yung mga strings. Pagdating dun sa B ba yun? Basta yung halos lahat na ata ng daliri eh gagamitin! Wala! Suko na ako! Di ko abot! Ang hirap naman neto!

“Ayoko na nga! Di ko abot yung strings!”

“Hahaha! Ano ba yan bebe girl, suko agad? Weak.”

Weak ka dyan?Eh ang hirap kaya! Pasalamat siya malaki yung kamay niya kaya abot niya!

“Eh ang hirap eh. Yoko na. Balik na ako sa loob.”

Patayo na ako kaso hinila niya ako bigla. Napaupo tuloy ulit ako sa damuhan. Ano bang drama nito sa buhay?

“Bakit? May kailangan ka pa?”

“Dito ka muna. Dito muna tayo.”

Bigla namang nag-dugdugdug yung puso ko. Pakingshet. What’s happening? Bakit parang ang cool ng boses niya ngayon? Oh dahil lang yun sa hangin?

“Huy? Ayos ka lang?” bigla naman akong natauhan. Nakatitig na pala ako sa kanya. Nakakahiya! 

“Ahh! A..Ayaw. Inaantok na ulit ako eh. T..tulog ulit ako.” 

“Matutulog ka ulit? Wag na.” aba? At siya pa ang nagdesisyon ha?

“Eh inaantok ulit ako eh.”

“Kakantahan nalang kita.”

“Inaan--- huh?!”

Ayan na naman yung dugdugdug. Ka.. kakantahan niya daw.. sino? Ako?

Nagsimula naman siyang mag-strum. Awww, parang alam ko na kakantahin niya ah? Nice choice. Isa yan sa mga favourite songs ko!

“It's too late baby, there's no turning around
I've got my hands in my pocket and my head in a cloud
This is how I do
When I think about you
I never thought that you could break me apart
I keep a sinister smile in a hole in my heart
You want to get inside
Then you need to get in line
But not this time”

Nakatingin lang ako sa kanya. Tapos nakatingin lang rin siya sa akin. Gusto kong iiwas yung tingin ko kaso leche parang may glue yung mata niya

“Cause you caught me off guard
Now I'm running and screaming
I feel like a hero and you are my heroine”

Tumayo pa siya after nun. Napangiti nalang ako. Feel na feel niya kasi yung kanta eh. Papikit-pikit effect pa siya.

“And I feel a weakness coming on
Never felt so good to be so wrong
Had my heart all locked down
And then you turned me around
I'm feeling like a new born child
Every time I get a chance to see you smile
It's not complicated
I was so jaded”

Did I say that his voice is cool? No, its not cool, its awesome. Speechless ako. Ang ganda ng boses niya. Nakakain—basta maganda yung boses niya. Sana boses nalang siya.

“Bilib ka na naman sa akin! Tulala ka oh!”

“Err. Fine! Ikaw na magaling! Yabang mo.”

Oo na. May maipagmamayabang naman ang loko. Eh di siya na. Marunong maggitara tapos magaling pa kumanta. Siya na talaga! Nagulat naman ako nung bigla siyang humiga sa lap ko.

“Hey, what are you doing?!”

“Inaantok ako eh. Wag kang maingay. Patulugin mo muna ako. Bayad ‘to sa pagkanta ko.”

Tapos ayun, pumikit na siya. Oo nga pala, nasabi ko na bang mukha siyang tao pag nakapikit? Hahaha! Ang haba pala ng pilikmata niya? Ang galing. Bunutin ko kaya? Kaso baka sapukin ako. T..teka nga! Ano bang pinaggagawa ko? Why am I staring at him? Eeessshhh.

“Bebe girl, matunaw ako niyan.” Then he smirked habang nakapikit.

Shet! Gising pa pala ang loko!


***